الحلقة 12 مع chawia

مساء الخير على الغالية

شاوية هاد الأسبوع راكي ضيفة بصح بلاك تكوني سجينة ماشي ضيفة

لأني نصقصيك دون رحمة حتى تكرهي مملكة الأحباب و تقول واش اداني نسجل فيها

هههههههههههههههههه

نبداو التحقيق و نتمنى تثبت عليك التهمة لتنالي العقوبة المستحقة

ههههههههههههههههههه

1- ما رأيك في الحملة الاعلامية التي تشنها مصر ضد الجزائر الحبيبة؟

2- كلمة تدمع عينك عند سماعها؟

3- الحب و الحرب ما الفرق بين الاثنين بالنسبة لكي؟

4- هل توافقين مقولة " أحسن طريقة للدفاع هي الهجوم"؟

5- عضو مميز في المملكة؟
عضو نشيط؟
عضو كسول ؟
عضو خفيف دم؟
عضو رومانسي؟
عضو صريح؟

6- انت إلى أي فئة من الأعضاء تنتمين؟

7- تحبي تكوني مشرفة أو لا؟

8- واش كان شعورك نهار حققنا الفوز التاريخي ؟

ما تحسبيش التحقيق خلاص بصح حبيت نعطيك مهلة للتفكير و نرجع نكمل معاك

هههههه

تقبلي مروري :lol:

بنت بلادي

شكرا على الاستضافة الرائعة

الشرف لي أن أكون معكم



1/ بطاقتك الشخصية الكاملة
أنا شاوية من ولاية باتنة عمري 24 سنة درست هندسة معمارية و الآن راني أعمل في نفس مجال دراستي .....أنا بطبعي انسانة عصبية لكني حنونة و قلبي على الناس كامل.....

2/ ماذا تعني لك هذه الكلمات

الاحبااط --فقدان الأمل
الغضب -- نقمة
الحنان -- عالمي
الوطن -- أمي
الفراق -- شيء ملزم لا هروب منه
الانترنت -- كالحياة فيها الزين و فيها الشين
المسنجر -- تمضية وقت لا اكثر
الرجل -- شيء أساسي
المرأة-- مبدأ في الحياة بدونها لا وجود للحياة

3/ هل تحاسبين نفسكي على الاخطاء التي ترتكبينها في حيااتكوهل انتي من الذين يعتذرون عن اخطائهم في حق الاخرين؟
بصراحة محاسبتي لنفسي تكون عفوية و غير مقصودة لأن هذه فطرة في الانسان أما عن اعتذاري فهذا يتوقف على الشخص فان استحق اعتذاري سيراه و ان كان لا يستحقه رغم أني من أخطئت في حقه فلن يراه لو عاش قرونا...

4/ كلمة تحبين ان تتردديها دائما تحسيها بورت بونور نتااعك في الحياة؟
بالتحديد لا يوجد كلمة معينة

5/ طموحاتك؟
حققت كل طموحاتي و هي الدراسة و العمل و اكتساب مكانة اجتماعية رائعة و يستحيل التنازل عنها
6/ اوصفيلنا شاوية في كلمات
سبق و قلت أني انسانة عصبية لكني حنونة جدا و قلبي على الجميع

7/ لحظة مررتي بها في حياتك كنتي تحسي فيها بلي انتي ضعيفة ووحيدة / مالازمش تحسي روحك وحيدة مع الاحباب/
سؤال مليح بزاف و شكرا على ما بين الأقواس غاليتي.......الأوقات الي كنت نحس روحي فيها ضعيفة هي فترات الكنترول في الجامعة لأنو مجال الهندسة المعمارية غير سهل و كانت الدراسة بصراحة صعبة شوي لدرجة انك تفقدي شوي ثقتك بمعلوماتك و هذا كان شي صعيب بزاف لكن الحمد لله كنت دائما نتغلب على هاد الاحساس و نثبت العكس بأني قوية


8/ ماهو الشعورالذي ينتابكي عندما تواجهين شخص لا يستطيع تفهمك؟
نحس روحي بين أربع جدران في مساحة ضيقة و أريد أن أصرخ و أصرخ لكن دون جدوى فلا يوجد من يسمع

9/ ماهي حكمتك في هذه الحياة؟
حكمتي في الحياة في الوقت الحالي هي الابتعاد عن النية في التعانل مع الناس

10/ متى يكون قلبك قاسي؟
عندما يكذب علي شخص ما فانني لا أغفر و يصبح قلبي قاسي مهما كان هذا الشخص قريب مني

11/ نحن في شهر 11 و على مقربة من عام جديد فماذا تتمنين هذا العام؟
نتمنى ربي يهنينا و يخلي العام الجديد عام سعيد على كل الأمة الاسلامية و العربية و ربي يهدي النفوس بين مصر و الجزائر و ان شاء الله ربي يفرج على كل محتاج .

12/ كامل رانا فرحانين بفوز الخضر اعطينا كلمة توجههيها لاشبال سعدان و كلمة لبلادنا الجزائر
أشبال سعدان نقلكم راكم أبناء الجزائر فعلا و الي ما يعرفش الرجلة يجي يتعلم منكم أما جزائرنا الحبيبة فأقول لها دمت و دام عزك و إلى الأمام دوما

بنت بلادي سعدت بتواجدك و باستضافتك الرائعة

شكرا على الكرسي المريح و على العصير

عاشقة الياسمين

واش أختي العزيزة راكي خوفتيني تع الصح

تحقيق و تهمة و قضية ياك نتمنى ما تكونش جريمة قتل puisk الجرائم لخرين مقدور عليهم

هههههههههههه



1- ما رأيك في الحملة الاعلامية التي تشنها مصر ضد الجزائر الحبيبة؟
بصراحة أنا مصدومة في مصر ......شعب متخلف و يدعي الحضارة و يقولون عن نفسهم فراعنة و بكل فخر و لا يعرفون أنا فرعون موعود بجهنم
نقلهم ربي يهديهم و حنا أكبر من اننا نردو عليهم

2- كلمة تدمع عينك عند سماعها؟
الله أو الأم

3- الحب و الحرب ما الفرق بين الاثنين بالنسبة لكي؟
لا فرق فالحب معركة مشاعر تنزف فيها احساسا و الحرب نفس الشيء

4- هل توافقين مقولة " أحسن طريقة للدفاع هي الهجوم"؟
أكيد أوافقها

5- عضو مميز في المملكة؟ روح الجزائر
عضو نشيط؟ بنت بلادي
عضو كسول ؟ .....عاشقة الياسمين......هههههه راني نتمسخر معاك بصح ما كانش عضو كسول
عضو خفيف دم؟ عادل
عضو رومانسي؟ tiya
عضو صريح؟ cheb kader

6- انت إلى أي فئة من الأعضاء تنتمين؟
بصراحة ما ننتميش حتى لفئة.....هههههه

7- تحبي تكوني مشرفة أو لا؟
نعم و لا في نفس الوقت لأني باش نكون مشرفة لازم يكون عندي الوقت للتواصل يوميا بالمملكة و أنا و للأسف وقتي محدود

8- واش كان شعورك نهار حققنا الفوز التاريخي ؟
ياك ما نحكلكش على هذاك النهار تصدقي راني خرجت حتى أنا برا بحوايج الدار و مانيش في عقلي من الفرحة و نعيط و نشجع و نزغرد و بامكانك تتخيلي الباقي

عاشقة الياسمين شكرا على الأسئلة قصدي على التحقيق الي مازال مفتوح و ان شاء الله تكون براءة
ههههههههه

شكرااااااااا

سلااااااااااااااام

شاوية وش راكي نتمنى تكوني بخير

أنا ما نكثرش عليك بزاف حبيت نصقصيك فقط

بلادك واش تعادل في الشاوية؟

تقبلي مروري و اعذريني على صغر سؤالي

مساء الخيرات و الأنوار

راني نقول بلي كرسي الاعتراف منور و ماكنتش على بالي بلي الشاوية اعدة فيه

مرحبا بيك أختي منورة

1-هل انت فكاهية؟

2- نسبة الضحك في حياتك بكم تقدر؟

3- هل تحبين مجال عملك؟

4- أغنية تحبين سماعها؟

5- ما رأيك في عالم اليوم؟

نتمنى نكون خفيف و ما قلقتكش بزاف

تقبلي مروري

[ندعوك للتسجيل في المنتدى أو التعريف بنفسك لمعاينة هذه الصورة]

chawia عيد مبروك و كل عام و انتي بألف خير

تعيدي و تزيدي بالصحة و الهنا

1- واش احساسك و انت ضيفة مع عيد الأضحى المبارك؟

2- ما أول شيء تقومين به يوم العيد؟

3- شريتي حوايج جداد ولا ما شراولكش؟....هههههههههه

4- مساج وصلك نهار العيد و عجبك؟

ما نكثرش عليك بزاف

عيد سعيد

تقبلي مروري

sweetlady

غاليتي أنت معذورة عن قصر السؤال لكنك غير معذورة عن طرحه

لأن الجواب عنه شيء بديهي و إن سألتيه لكل جزائري سيقول

الروح

و أنا روحي تعادل جزائرنا الحبيبة فمتى ما احتاجتها سأقدمها دون تردد

شكرا على طيب مرورك

أسعدني تواجدك

didin

خويا النور نورك لأنو نورك طغى على نوري



1-هل انت فكاهية؟
أنا نحب الفكاهة و نوعا ما راني فكاهية

2- نسبة الضحك في حياتك بكم تقدر؟
65%

3- هل تحبين مجال عملك؟
أكييييييييييييييييييييييييييييييييييييييييييييد

4- أغنية تحبين سماعها؟
بصراحة هي ليست أغنية و إنما موسيقى تركية ما نعرفش اسمها لكنها هادئة و رومانسية و كل ما نسمعها نحس براحة

5- ما رأيك في عالم اليوم؟
رأيي نقولو في كلمة "الله يسترنا"

أسعدني تواجدك خويا العزيز

روح الجزائر

مديرتنا الغالية علينا بزاف

شكرا على مرورك الكريم و الطيب

نقلك كل عام و انت بألف خير

و ان شاء الله يجوز علينا العيد بالصحة و الهنا



1- واش احساسك و انت ضيفة مع عيد الأضحى المبارك؟
راني فرحانة بزااااااااااف و احساسي لا يوصف

2- ما أول شيء تقومين به يوم العيد؟
أول حاجة بطبيعة الحال هي أكل اللحم......هههههههههههه

3- شريتي حوايج جداد ولا ما شراولكش؟....هههههههههه
ياك أختي شراولي هاذي حاجة محتمة ....ههههههههههه

4- مساج وصلك نهار العيد و عجبك؟
خبرت نجمة تحاكيكي
و القمر وصيتو فيكي
و دعيت ربي يحميكي
و بعيد الأضحى يهنيكي

شكرا على تواجدك روح الجزائر

أسعدني مرورك