الحلقة الخامسة مع عادل

من طرف **بنت بلادي** الأحد سبتمبر 06, 2009 5:06 am

االسلام عليكم
صحا فطـــــــــــــورك/صحــــورك

واش راك اخي عادل ان شاء الله لاباس

اليوم اخترناك تشرفنا على كرسي الاعتراف المتواضع

[ندعوك للتسجيل في المنتدى أو التعريف بنفسك لمعاينة هذه الصورة]

ياخي راك مرتاح عليه

راني خيرتلك واحد شباب و مريح queen

علابالي الموقف راهو شوي غريب بالنسبة ليكي راني كنت قبلك هنا و مجربة :P

mais c'est pas grave

ما تخافش ماناش حنصعبوها عليك بزاااف نديرولك تحقيق يستاهل بصح بلاما نعذبوك

ههههههههه

انا راني في وقت صحور عليها جبتلك هاذ المسفوف نتمنى يعجبك

[ندعوك للتسجيل في المنتدى أو التعريف بنفسك لمعاينة هذه الصورة]

وذرك نبداو بالاسئلة

1 - من انت؟

2 - من هو اهم شخص في حياتك ؟ .. اسمه .. وعلاقتك به

3 - متى يقتلك الفضول ؟

4- اكتب احلى مساج وصلك

5 - لو قال لك المصباح السحري اختر امنيتين في الدنيا واحققها لك . . ماذا تتمنى ؟/هو نورمالمون 3 اسئلة بصح انا سرقتلك وحدة lol!

6 -متى اخر مرة ضحكت من قلب؟ وليش؟

7 -اخر مرة بكيت من قلب؟وليش؟

8 -هل حسيت في يوم من الايام بالضعف؟ومتى كان؟

9 - يوما ما كنت قلقان و كاره الدنيا (بعيد الشر) واش اول شي تفكر تديرو؟

10 -كم شخص عندك فالمسنجر؟

11 - هل فعلا انت مرتاح في تواجدك في المنتدي و مع الاعضاء ؟

12 -عضو يستحق الصداقه؟

13 - عضو شفتو و عضو تتمنى تشوفه ؟ > اكتب اسماءهم

14 -عضو شخصيته مثل شخصيتك؟

15 - عضو تعجبك شخصيته؟

علابالي طولت عليك اسمحلي

بصح هذا هو الكرسي

نتمنى تستمتع بوقتك و تواجدك معنا و ماتكونش اسئلتنا ثقيلة عليك nooo

و ان شاء الله لي عودة اذا ما كانش عندك مانع

ربي يكون في عونك

سلااااااااااااااااااااااااااااااااااااام

من طرف عادل الأحد سبتمبر 06, 2009 8:37 pm

راني لاباس بنت بلادي و نتمنى انتي ثاني تكوني بخير

تعرفي الكرسي مريح جدا لدرجة اني حبيت نبات راقد عليه...هههههههههههههه

المسفوف شحال بنيييييييييييييييييين فات بزاف وقت ما كليتش مسفوف بنين كيما هذا.....شكرا ليك على كل حال

- من انت؟
أنا عادل من سكيكدة عمري23 سنة قريت في الجامعة فرع تسيير و اقتصاد و كمّلت و درك راني نخدم في مجال دراستي و الحمد لله شوي شوي و نديرو مستقبل شباب باذن الله نحب نعيش كل يوم بيومو قلبي كبير بصح نشوف الدنيا صغيرة.......هذا أنا
2 - من هو اهم شخص في حياتك ؟ .. اسمه .. وعلاقتك به
أهم شخص في حياتي في الوقت الحالي هي انسانة ما نقدرش نقول على اسمها و علاقتي بيها الآن سطحية يعني في طريق نكونو أصدقاء و ان شاء الله تتطور العلاقة
3 - متى يقتلك الفضول ؟
بصراحة أبدا أنا مانيش من النوع الفضولي
4- اكتب احلى مساج وصلك
سألت الروح مين أعز الناس تحبيها .....قالت اكتب رسالة و اشوف وين القلب يوديها
5 - لو قال لك المصباح السحري اختر امنيتين في الدنيا واحققها لك . . ماذا تتمنى ؟
أول حاجة نتمنى نسافر و ثاني حاجة نتمنى نلقى بنت الحلال الي تستاهل تعيش معايا
6 -متى اخر مرة ضحكت من قلب؟ وليش؟
بصراحة ما نتذكرش لأني أنا ديما نضحك و ما نميزش اذا كانت من القلب أو لا و المواقف راهي بزاف لي كنت نضحك عليها
7 -اخر مرة بكيت من قلب؟وليش؟
قبل عامين و السبب هو كي توفّت أمي الله يرحمها
8 -هل حسيت في يوم من الايام بالضعف؟ومتى كان؟
نعم حسيت بالضعف لفترة و هي نفس الفترة لي توفّت فيها الوالدة لأنها كانت كل شي في حياتي
9 - يوما ما كنت قلقان و كاره الدنيا (بعيد الشر) واش اول شي تفكر تديرو؟
بصراحة كي تعود عندي هاذ الحالة اما نخرج مع صحابي نبدلو جو أو راني قاعد في الدار و ما نحكي حتى مع واحد و نسمع غير في الموسيقى الالهادئة لأني نحسها تخفف عليّأ
10 -كم شخص عندك فالمسنجر؟
ماشي بزاف عندي 4 و كلهم صحابي لأني أنا ما نحبش حكايات المسنجر و التعارف و هاذ الحكايات تجيني تضييع وقت
11 - هل فعلا انت مرتاح في تواجدك في المنتدي و مع الاعضاء ؟
أكيد المنتدى رائع و مميز و هو كمنزل صغير يضم كل العائلة
12 -عضو يستحق الصداقة؟
بنت بلادي هي العضو الي يستحق و أيضا cheb kader

13 - عضو شفتو و عضو تتمنى تشوفه ؟ > اكتب اسماءهم
cheb kader شفتو و ما عنديش عضو مميز حاب نشوفو يعني ما خممتش في الموضوع
14 -عضو شخصيته مثل شخصيتك؟
cheb kader
15 - عضو تعجبك شخصيته؟اقه؟
روح الجزائر

نشكرك بزاف بنت بلادي بصراحة هاذي أول مرة نكون في كرسي الاعتراف و كان مميز جدا خاصة لأنك أول انسانة دير معايا التحقيق

تقبلي خالص تحياتي و احترامي

*****/ عادل/*****

من طرف sweetlady الإثنين سبتمبر 07, 2009 2:50 am

سلام عادل وش راك خويا؟

نتمنى تكون بخير و صحة في هاد الشهر المبروك و الكريم

شوف عادل أنا نقلك الصح و بدون مجاملات و اتقبلها مني و احسبني أختك

الصورة لي راك عاملها راهي تهبببببببببل لذلك سؤالي ليك واحد وحيد ما عندوش خوه

انت في الحقيقة تشبه لهاد الانسان لي في الصورة أو لا

باختصار أوصفلي نفسك

قتلك اعتبرني أختك لذلك نستنى اجابتك على أحر من الجمر

تقبل مروري

من طرف **didin** الأربعاء سبتمبر 09, 2009 2:22 am

ياك عادل راك جايب روحك خويا في المملكة بهاد الصورة

حسدتك mais بصحتك

هههههههههههه

شوف اليوم أنا راح نهبلك في التحقيق على هداك استعد

1-- شكون فنانك الجزائري المفضل؟

2-- الآن انت مرتبط أو لا؟

3-- واش فطرت البارح؟

4-- شكون العضو المميز بالنسبة ليك في المملكة........" قول أنا"....هههههه

5-- وعلاش قلت قلبي كبير و نشوف الدنيا صغيرة؟

6-- ملّيت من التحقيق معايا ولا مازال؟

7-- ما سمعتكش واش جاوبتني ملّيت ولاّ مازال؟

ههههههههههههههههه

أيا ما نطولش عليك خويا و نستنى الإجابات

تقبل مروري و نتمنى ما قلقتكش بزاف

من طرف **3inabia** الأربعاء سبتمبر 09, 2009 1:39 pm

عادل الحساد راهم بزاف ....... الله يبارك عليك خويا من العين

أولا عادل تحب تتعرف على أشخاص من نوعك يعني عندهم نفس أفكارك و شخصيتك ولا تحب تبدل؟

ثانيا واش تعنيلك هاد الكلمات: المستقبل*** الحياة*** كلمة أنا*** مشاركة

ثالثا تحب الرياضة أو لا؟

رابعا وعلاش راك حاب تسافر؟

تقبل مروري و ان شاء الله ما طوّلتش عليك

من طرف عادل الأربعاء سبتمبر 09, 2009 11:20 pm

sweetlady راكي أختي و كل الموجودات في المملكة راهم أخواتي و نفتخر بهاد الشي

شوفي نقلك الانسان الي في الصورة يشبهلي شوي ماشي بزاف

بصح أنا بوقوص عليه شوي..........هههههههههه

راكي تشوفي في الغرور

أسعدني وجودك في الحلقة ديالي

تحياتي

من طرف عادل الأربعاء سبتمبر 09, 2009 11:26 pm

واش didin حسدتنا خويا و الله ما حق عليك بصح معليش السماح خويا

-- شكون فنانك الجزائري المفضل؟
فناني الجزائري المفضل هو و بدون نقاش الشاب خالد
2-- الآن انت مرتبط أو لا؟
لا كالسبة مانيش مرتبط في هاد الوقت......"مازالك تحسد"
3-- واش فطرت البارح؟
البارح فطرت "بوراك و شربة و طاجين دجاج تاكل صباعك معاه و الباقي باين"
4-- شكون العضو المميز بالنسبة ليك في المملكة........" قول أنا"....هههههه
لالا زكارة فيك ماكش انت العضو المميز هو cheb kader
5-- وعلاش قلت قلبي كبير و نشوف الدنيا صغيرة؟
قلتها لأنها الحقيقة بمعنى انو أي قلب في هاد الدنيا يكون أكبر منها مهما كان هاد القلب أبيض أو أسود.......نتمنى وصلاتك المعلومة
6-- ملّيت من التحقيق معايا ولا مازال؟
لا ما مليتش
7-- ما سمعتكش واش جاوبتني ملّيت ولاّ مازال؟
درك مليت............ههههههههههه

شكرا خويا التحقيق معاك هايل غير برك راك تحسد فيا

من طرف عادل الأربعاء سبتمبر 09, 2009 11:30 pm

merçi 3inabia راكي تشوفي كيفماه يحسدوني.....الله غالب واش تحبي

أأولا عادل تحب تتعرف على أشخاص من نوعك يعني عندهم نفس أفكارك و شخصيتك ولا تحب تبدل؟

بصراحة أنا نحب التغيير في حياتي و هذا لا يعني اني نرفض العلاقات مع أناس يشبهولي بالعكس أنا نحب نعرف الناس الكل
ثانيا واش تعنيلك هاد الكلمات: المستقبل*** الحياة*** كلمة أنا*** مشاركة

المستقبل يعني الغموض

الحياة يعني الفرح و الحزن و التجربة

الأنا يعني الأنانية

مشاركة يعني علاقة و ارتباط

ثالثا تحب الرياضة أو لا؟

أكيد نحب الرياضة و نمارسها

رابعا وعلاش راك حاب تسافر؟

حاب نسافر باش ندير مستقبل في الخارج و باش نشوف دنيا أخرى و كيما قتلك أنا انسان اجتماعي

شكرا ليك أختي أسئلتك رائعة

تحياتي

السلام عليكم

واش راك عادل ان شاء الله بخير

راني نشوف بلي التحقيق معاك راهو في أحسن ما يكون..........الله يبارك أنا راني ما نحسدكش

هههههههههه

الآن نبدأ التحقيق

لو قالوا لك الحياة حلوة؟

1.لو قالوا لك الموت أهون؟

2.لو قالوا لك متى ستعلن الحزن؟

3.لو قالوا لك ماهو الخيال الذي يراودك كل ليلة؟

4.لو قالوا لك ماذا تود أن تحلم في منامك اللية؟

5.لو قالوا لك سنطلي غرفتك ما هو اللون الذي ستختاره؟

6.لو قالوا لك من ماذا يتكون قلبك؟

نتمنى تستمتع مع الأسئلة

تقبل مروري

من طرف **بنت بلادي** الجمعة سبتمبر 11, 2009 5:54 pm

اهلا اخي عادل
راك مليح هنا؟
هانت خويا ما بقاش بزاف
علابالي راك تعبت معانا
ما نكثرش عليك
نزيدلك سؤال اخير
اوصفلي احساسك كي دخلت و لقيت روحك فوق كرسي الاعتراف
نمتمنى تكون قضيت وقت مليح معانا خترماه حنا سعدنا جدا باستضافتك على كرسينا المتواضع
وان شاء الله نكونوا خفاف عليك
ربي يوفقك صحا فطور الجميع
سلاااااام

من طرف عادل السبت سبتمبر 12, 2009 1:15 pm

روح الجزائر راني بخير مادامك تصقصي عليا

لو قالوا لك الحياة حلوة؟
يمكن
1.لو قالوا لك الموت أهون؟
ليس دوما

2.لو قالوا لك متى ستعلن الحزن؟
أبدا

3.لو قالوا لك ماهو الخيال الذي يراودك كل ليلة؟
خيال الوالدة

4.لو قالوا لك ماذا تود أن تحلم في منامك اللية؟
كل شي مليح في الدنيا نحب نحلم بيه

5.لو قالوا لك سنطلي غرفتك ما هو اللون الذي ستختاره؟
ممكن أبيض

6.لو قالوا لك من ماذا يتكون قلبك؟
قلبي نصفان الأول خيال و الثاني واقع

نشكرك بزاف على الأسئلة الرائعة

تحياتي مديرتنا

من طرف عادل السبت سبتمبر 12, 2009 1:20 pm

سلام بنت بلادي راني مليح شكرا ليك

آه يا بنت البلاد واش راح نقلك.........الصح الصح كلقيت روحي على كرسي الاعتراف تخلعت شوي ماشي بزاف و بقيت نخمم في احتمالات الأسئلة و نوعية التحقيق معايا كيفاش تكون بصح بعد ما فتحت الصفحة و لقيت الكرسي كيفماه داير و المسفوف و الله غير ارتحت و بانتلي غلطت في العنوان

نشكر الجميع على تفاعلهم في حلقتي و نتمنى حظ موفق للمتهم الي بعدي

الحلقة الخامسة مع عادل

الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل

رد: الحلقة الخامسة مع عادل